មើលឈ្មោះបោះឆ្នោតរបស់អ្នក តាមគេហទំព័រ គ.ជ.ប
នាសម័យទំនើបក្នុងពេលបច្ចុប្បន្ននេះ លោកអ្នកអាចស្វែងរកឈ្មោះបោះឆ្នោតរបស់លោកអ្នកបានតាមប្រព័ន្ធអ៊ីនធឺរណែត បានយ៉ាងងាយ ស្រួលជាទីបំផុត។
គណៈកម្មាធិការជាតិរៀបចំការបោះឆ្នោត ហៅកាត់ថាៈ គ.ជ.ប បានរៀបចំ និងបង្កើតគេហទំព័រមួយឈ្មោះថា www.voterlist.org.kh
សម្រាប់លោកអ្នកពិនិត្យមើល និងស្វែងរក ឈ្មោះរបស់លោកអ្នក នៅក្នុងបញ្ជីបោះឆ្នោតរបស់គ.ជ.ប។
ការបោះឆ្នោតក្រុមប្រឹក្សាឃុំ-សង្កាត់ សម្រាប់នីតិកាលថ្មី នឹងឈានចូលមកដល់ហើយ នៅថ្ងៃអាទិត្យ ទី០៣ ខែមិថុនា ២០១២ ខាងមុខនេះ។
ដូច្នេះ លោកអ្នកអាចពិនិត្យមើល និងស្វែងរកឈ្មោះរបស់លោកអ្នកតាមប្រព័ន្ធអ៊ិនធឺរណែតនេះបាន ដោយមិនចាំបាច់ទៅកាន់ការិយាល័យពិនិត្យឈ្មោះបោះឆ្នោតឡើយ។
ការស្វែងរកឈ្មោះមានភាពងាយស្រួល ដោយអាចស្វែងរកតាមឈ្មោះក៏បាន (វាយឈ្មោះ និងនាមត្រកូល) ព្រមទាំងតាមបែបបញ្ជីឈ្មោះតាម ការិយាល័យក៏បាន។
សូមសាកល្បងរកឈ្មោះអ្នកនៅគេហទំព័រ គ.ជ.ប នេះមើល ឡូយទេ។ ខ្ញុំបានរកឃើញឈ្មោះខ្ញុំហើយ។ ចុះអ្នកវិញ បានពិនិត្យហើយរឺ នៅ?
